İnsanları ən çox öldürən 10 SƏBƏB

İnsanları ən çox öldürən 10 SƏBƏB

Ümumdünya Səhiyyə Təşkilatı hər il dünyada insanların ölümünə yol açan əsas 10 səbəblə bağlı geniş hesabat yayımlayır. 2017-ci ilin yekun statistikası yalnız gələn ilin ortalarında açıqlanacağından Modern.az 2016-cı ildə dünyada insanların ölümünə səbəb olan 10 başlıca səbəb haqda informasiyanı təqdim edir.

 

Ümumdünya Səhiyyə Təşkilatı 2016-cı ildə 57,1 milyon insanın öldüyünü bildirir. Bu ölümlərin 53,2%-i aşağıdakı 10 səbəblə bağlıdır.

 

1 və 2. Ürəyin işemik xəstəliyi və insult

Bu iki xəstəlik insan ölümlərinə görə 15 ildir ki, rekord qırır. Ürək problemləri hər il 15-17 milyon insanın həyatdan köçməsinə səbəb olub.

 

3. Aşağı nəfəs yollarının infeksiyası

Bu ən ölümcül infeksion xəstəlik sayılır. Ötən il bu xəstəlik 3,3 milyon insanın həyatdan köçməsinə səbəb olub.

 

4. Ağciyərin obstruktiv xəstəliyi

Bu xəstəlikdən ildə 3,1 milyon insan keçinir.

 

5. Ağciyət xərçəngi

Bu diaqnoza bronx xəstəlikləri və ağciyər xərçəngi aid edilir. İldə bu xəstəlik 1,7 milyon can alır.

 

6. Şəkərli diabet

İldə 1,6 milyon insanın həyatını əlindən alan xəstəlikdir. Diabet 2000-ci ildən bəri planet sakinləri arasında 30%-dən çox artım göstərib və sürətlə artmağa davam edir.

 

7. Demensiya

Demensiya hər il artmaqda olan daha bir ağır xəstəlikdir. Bu xəstəlik ildə 1,4 milyon insanı öldürür.

 

8. Diareya xəstəlikləri

Bu xəstəliyin yayılma miqyası xeyli azalıb. Son statistik məlumatlara görə, ildə 1,4 milyon insan diareya xəstəliklərindən keçinir.

 

9. Vərəm

Vərəm sürətlə müalicəsi və əhatə dairəsi daralan xəstəliklərdən olsa da, ondan hər il 1,3 milyon insan ölməkdə davam edir.

 

10. Yol-nəqliyyat qəzaları

Yol qəzalarında hər il 1,2 milyon insan ölüb. Onlardan 1,1 milyon nəfəri, yaxud 76%-i kişi cinsindəndir. 

Xəbər 344 dəfə oxunub.

YAZARLARIMIZ

SEÇİLMİŞ

SON XƏBƏRLƏR