Yüz illərdir ki, dünyada ən çox istifadə edilən qida çörəkdir. Odur ki, çörəyin çoxlu çeşidləri var. Ancaq son illər diyetoloqlar çörəyin kökəlməyə səbəb olduğunu dediklərindən, ondan imtina edənlərin sayı artmağa başlayıb. Lakin həkimlər bildirirlər ki, çörək nəinki kökəltmir, əksinə, sağlamlıq üçün faydalıdır.
Bəs hansı çörək növü daha faydalıdır?
Publika.az bu sualın cavabını araşdırıb:
Çovdar çörəyi
Digər çörək növləri ilə müqayisədə daha az karbohidrat ethiva edir. Tərkibində yüksək miqdarda zülal var. İnsanı uzun müddət tox saxlayır və enerji verir. Ona görə də arıqlamağa kömək edir.
Bütöv dənli buğdadan hazırlanan çörək
Belə çörək keyfiyyətli lif qaynağı hesab edilir. Həzmi yavaşladaraq bədəni uzun müddət enerji ilə təmin edir. Həmçinin qandakı şəkərin miqdarını sabit saxlayır. Vitamin və minerallarla zəngindir.
Kəpəkli çörək
Tərkibində bol miqdarda vitamin və zülal var. Bağırsaqların işini asanlaşdırır. Bağırsaq xərçənginə yaxalanmaq riskini azaldır. Ehtiva etdiyi lif sayəsində həzmə kömək edir.
Ağ çörək
Bütün həkimlər deyirlər ki, sağlam qalmaq üçün əsas qayda 3 ağ qidadan uzaq durmaqdır. Bunlar - şəkər tozu, duz və əla növ undur. Əla növ unda qida maddələri və vitamin dəyəri az olur. Belə çörəyin tərkibində qlüten, nişasta və şəkər olduğu üçün sağlamlığa zərərlidir.
Aktual.az
Xəbər 955 dəfə oxunub.
