Ötən gün axşam saatlarından başlayaraq, davam edən güclü külək Quba rayonunda bir sıra fəsadlar törədib.

Aktual.azAPA-ya istinadən bildirir ki, ən böyük ziyan rayonun elektrik təsərrüfatına dəyib. Quba Rayon İcra Hakimiyyətinin Fövqəladə Hallar Komissiyasının sədri Yusif Abidovun APA-ya verdiyi məlumata görə, hazırda rayonun 50 faizinə elektrik enerjisinin verilişi dayandırılıb. O bildirib ki, dəyən ziyanın aradan qaldırılması və əhalinin fasiləsiz elektrik enerjisi ilə təmin olunması istiqamətində işlər görülür.