Dünyanın ən müxtəlif ölkələrindən ilginc adətlər var. Belə qəribə adətlərdən biri də İndoneziyanım Sulavesi adasının Tana Toraja bölgəsində yaşayan insanlara məxsusdur. Onlar illərdir ki, bu ənənəni yaşadır. Ölülərinə hörmət olaraq onları mümkün qədər daha çox evlərində saxlayırlar.
Onlar ölünün əslində ölü olmadığı inancını qoruyur və ölüləri dəfn etmirlər. Ailə üzvləri cəsədə ölü kimi yox, diri insan kimi yanaşır və onu evlərində özləri ilə bir yerdə saxlayırlar.
Bu insanların fikrincə, insan ölmür, sadəcə uzun bir yuxuya gedir. Torajaılar cəsədə xüsusi diqqətlə baxır. Evdə saxladıqları ölüləri tez-tez təmizləyir, paltarlarını dəyişir, onlarla bərabər dua edirlər.
