Bakıda orta yaşlı kişinin xəsarət alması ilə nəticələnən yol qəzası baş verib.
Aktual.az report-a istinadən xəbər verir ki, yol-nəqliyyat hadisəsi Binəqədi rayonunda baş verib.
Binəqədi qəsəbəsindəki "Orxan" marketin önündə təxminən 40-45 yaşlı kişini avtomobil vurub. Piyadanın vəziyyətinin ağır olduğunu görən sürücü hadisə yerindən qaçıb.
Yaralı təcili yardım maşını vasitəsilə 1 saylı Kliniki Tibbi Mərkəzə çatdırılıb.
Faktla bağlı Binəqədi Rayon Polis İdarəsində istintaq araşdırmaları aparılır.
Aktual.az
Xəbər 348 dəfə oxunub.