Rumıniya prokurorluğu Rusiyanın “LUKoyl” şirkətini Avropa Birliyinin (AB) sanksiya rejimini pozmaqda ittiham edib.

Aktual.az Anspress-ə istinadən xəbər verir ki, şirkətin Rumıniyadakı hissəsi AB-nin sanksiya siyahılarına düşən şəxslərin nəzarət etdiyi ofşor şirkətlərlə ticarət əməliyyatları aparmaqda şübhəli bilinir.

Prokurorluq eyni zamanda “Lukoyl”un törəmə şirkətinin 2003-2014-cü illəri əhatə edən maliyyə sənədlərini araşdırıb.

Məlum olub ki, “LUKoyl” şirkəti Böyük Britaniyada ofisi olmayan saxta Britaniya şirkəti ilə əməkdaşlıq edir.

Bundan başqa qeyd olunur ki, "LUKoyl" sanksiya siyahılarındakı şəxslərə məxsus banklar vasitəsilə hesablaşmalar həyata keçirir.

Rumıniya “LUKoyl” şirkətini 1,77 mlrd vəsaiti yumaqda ittiham edilirdi.



Rumınyanın Ploeşti şəhərinin apellyasiya palatası “Lukoil Europe Holdings Bvatrium Olanda” şirkətinin əmlakına həbs qoyub.

Prokurorluğun iddiası ilə gerçəkləşdirilən həbs 2 milyard avroluq əmlaka şamil edilib. Həmçinin Rusiyanın Lukoyl şirkətinin hesabları da dondurulub.

Məhkəmənin mətbuat xidmətindən BBC-yə bildiriblər ki, bu addım çirkli pulların yuyulması və vergidən yayınma işi üzrə istintaq çərçivəsində gerçəkləşdirilir.

Rusiyanın ikinci ən böyük neft şirkəti "Lukoil" Rumıniya məhkəməsinə şirkətin bu ölkədəki aktivlərinə qoyulan həbslə əlaqədar apellyasiyaya müraciət edib.

Rumıniya hüquq-mühafizə orqanları hesab edir ki, qanun pozuntusu nəticəsində dövlətə 230 milyon avrodan çox ziyan dəyib.

"Lukoil" şirkətinin nümayəndəsi isə açıqlama verib ki, şirkət Rumıniya dövlət büdcəsinə vergiləri vicdanlı şəkildə ödəyir.

Avropa Birliyinin bəzi ölkələrində də “Lukoil” şirkətinin prezidenti Vahid Ələkbərovun barəsində təhqiqat gedir.

“The Moskow Post” qəzeti yazırki, tezliklə azərbaycanlı neft maqnatına qarşı bəzi ölkələr tərəfindən rəsmi ittihamlar irəli sürülə bilər. Bu, “Lukoil”un mərhum vitse-prezidenti Vitali Şmidtin aktivlərinin “ələ keçirilməsinə” dair onun qohumları tərəfindən irəli sürülən iddialarla əlaqəlidir.