Azərbaycanda futbolçunun faciəvi taleyi - 37 YAŞINDA VƏFAT ETDİ

Azərbaycanda futbolçunun faciəvi taleyi - 37 YAŞINDA VƏFAT ETDİ

Dünən Qazax rayonunun Xanlıqlar kəndində yaşayan keçmiş futbolçu Qoşqar Sarıyevin vəfat etməsi ilə bağlı bəzi məqamlar üzə çıxıb.
 
Lent.az-ın əldə etdiyi məlumata görə, uzun illər "Göyəzən" futbol klubunda çıxış edən və komandanın kapitanı olan Qoşqar Sarıyev səhhəti ilə əlaqədar futbolu tərk edəndən sonra mağazada satıcılıq edirmiş. O, doğma kəndində qablaşdırılan bulaq sularının satışı ilə məşğul olan mağazada işləyirmiş.
 
Bildirilir ki, Qoşqar Sarıyevin ürəyindəki problemlər son illərdə daha da artıb və onun gündəlik həyatına təsir edib. Maraqlıdır ki, onun ata-anası da məhz bu xəstəlik nəticəsində vaxtsız vəfat edib.
 
Q.Sarıyev ailəli olub, 2 övladı var. Onun həyat yoldaşı tibb bacısı işləyir.
 
*****
 
Qazaxda futbolçu ürək tutmasından dünyasını dəyişib.
 
APA-nın qərb bürosunun verdiyi məlumata görə, rayonun Xanlıqlar kənd sakini, ürək xəstəliyindən əziyyət çəkən, 1980-ci il təvəllüdlü Sarıyev Qoşqar Nadim oğlunun səhhəti mayın 30-da kəskin pisləşib. O, Qazax Müalicə Diaqnostika Mərkəzinə aparılarkən yolda dünyasını dəyişib.
 
Qeyd edək ki, Q. Sarıyev Qazağın "Göyəzən” futbol komandasının oyunçusu olub.
 
Aktual.az
Xəbər 124 dəfə oxunub.



YAZARLARIMIZ

SEÇİLMİŞ

SON XƏBƏRLƏR