2015-ci ilin II rübündə Gürcüstan iqtisadiyyatına yatırılmış birbaşa xarici investisiyaların həcmi ötən ilin anoloji dövrü ilə müqayisədə 81% artaraq 355 milyon ABŞ dolları təşkil edib.
Aktula.az oxu.az-a istinadla xəbər verir ki, ilkin məlumatlara görə bu dövrdə Azərbaycan Gürcüstana 160 milyon ABŞ dolları (45%) investisiya qoymaqla birinci yeri tutub.
İkinci yerdə 68 milyon ABŞ dollarla (19%) Niderland, üçüncü yerdə isə 41 milyon ABŞ dollarla (12%) Türkiyədir.
Qeyd olunan dövrdə Gürcüstanda ən çox investisiya yatırılan sahələr nəqliyyat və rabitə (207 milyon ABŞ dolları), maliyyə (41 milyon ABŞ dolları) və emal sənayesi (30 milyon ABŞ dolları) sahələridir.
