Lələtəpə yüksəkliyi qısa müddətdə düşməndən azad olunub. Döyüş təqribən 40 dəqiqə davam etdi.

Aktual.az İstipress-ə istinadən xəbər verir ki, bunu Müdafiə Nazirliyinin aprel döyüşləri ilə bağlı hazırladığı videsujetdə general-mayor Mayis Barxudarov bildirib.

Onun sözlərinə görə, döyüşlər zamanı hərbçilərimiz düşmənin özünün minalardan təmizlədiyi cığırlardan istifadə edib.

"Lələ təpə uğrunda döyüşlər zamanı düşməndən bir atəş səsi gəlmədi, çünki səngərdə olanların hamısını məhv etmişdik. Onların artilleriya silahlarını tam sıradan çıxartmışdıq, düşmən bizə güllə ata bilmirdi. Düşmən elə bir hazırlıqlı ordu ilə rastlaşdı ki, qaçmaqdan başqa əlacı qalmadı”, - deyə general-mayor bildirib.