Aktual.az lent.az-a istinadən xəbər verir ki, Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən prosesdə təqsirləndiriləm şəxs son söz deyib. O, əməlindən peşman olduğunu bildirib. Prosesdə hökm oxunub. Hakimlər kollegiyasının hökmünə əsasən Emiliya Həşimova 9 il müddətinə azadlıqdan məhrum edilib.

 

Xatırladaq ki, prokuror çıxışında məhkəmədən Emilya Həşimovanın 10 il müddətinə azadlıqdan məhrum edilməsini və cəzasını ciddi rejimli cəzaçəkmə müəssisəsində çəkməsini təklif etmişdi.

 

Qeyd edək ki, Emilya Həşimovanın cinayət işi üzrə 10 zərərçəkmiş var. Qadın onların bəzilərini işə düzəltmək adı ilə aldadıb pullarını alıb. Digərlərini isə söz verib ki, "əlillərin binası"ndan ev alıb verəcək. Beləliklə, bu insanlara qarşı dələduzluq edib. İşə əsasən, vətəndaşlara 101 min manat zərər vurulub. Xatırladaq ki, Emilya Həşimova əvvəllər dələduzluqda təqsirli bilinərək 10 il azadlıqdan məhrum edilib. Apellyasiya Məhkəməsində cəzası azaldılıb. Daha sonra amnistiyaya düşüb. 2013-cü ildə azadlıqda çıxıb. Məhkumluğu hələ tam ödənilməyib.

 

Aktual.az