Türkiyə ordusunun müxalif Azad Suriya Ordusu ilə birlikdə Suriyanın Afrin bölgəsində həyata keçirdiyi "Zeytun budağı” əməliyyatı çərçivəsində son mərhələ başlayıb.
"Qafqazinfo”nun "Milliyet”ə istinadən verdiyi xəbərə görə, bu gün səhər saatlarında müxalif Azad Suriya Ordusunun birlikləri Afrin şəhərini PKK terror təşkilatının Suriya qolu PYD/YPG-dən təmizləmək üçün əməliyyata başlayıb.
Azad Suriya Ordusu cənub-şərq istiqamətindən Afrinə daxil olub.
Türkiyəyə məxsus döyüş təyyarələrinin də Afrin səmalarında uçduğu qeyd olunur.
***
"Doğan” agentliyinin məlumatına görə, Azad Suriya Ordusu Afrin şəhərini nəzarətə götürüb.
