"Vətəndaş cəmiyyəti nümayəndəsi olaraq, Britaniya hökumətinin də baş verən hadisəyə münasibət bildirməsini və hüquqi prosedur başlanmasını gözləyirik”.
Aktual.az xəbər verir ki, bunu öz feysbuk səhifəsində "Vətəndaş” Tədqiqat və İnkişaf İctimai Birliyinin sədri Günel Səfərova yazıb. Onun yazdığı statusu olduğu kimi təqdim edirik:
” 2022-ci il avqustun 4-də Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyi bir qrup radikal dini dəstə üzvünün hücumuna məruz qalıb. Yayılan videolardan da göründüyü kimi, Azərbaycan bayrağına münasibədə hörmətsizlik nümayiş etdirilib, eyni zamanda ciddi qanun pozuntularına yol verilib, polis isə izləmə növqeyi tutub və məsələyə dərhal müdaxilə olunmayıb. Ümid edirəm ki, Vyana Konvensiyasına əməl ediləcək və Böyük Britaniya hüquq mühafizə orqanları ciddi hüquqi addımlar atacaq.
Nəzərinizə çatdırmaq istərdim ki, Azərbaycan 1992-ci il 21 iyul tarixində Vyana Konvensiyasına qoşulub. Konvensiyaya əsasən, konsulluq münasibətlərinin qurulması qarşılıqlı razılıq əsasında həyata keçirilir və səfirlik binaları toxunulmazdır. Konvensiyaya görə, diplomatik nümayəndəliklərin başçılarının razılığı olmadan konsulluq binalarına heç kim daxil ola bilməz.
Vətəndaş cəmiyyəti nümayəndəsi olaraq, Britaniya hökumətinin də baş verən hadisəyə münasibət bildirməsini və hüquqi prosedur başlanmasını gözləyirik”.
Aktual.az
