Publika.az xəbər verir ki, "Woman Challange" layihəsi çərçivəsində maraqlı məlumat hazırlanıb. Son 20 ildə dəyişməyən bu göstəricilərin bir çox səbəbi var. Problemin əsas qaynağı məktəblərdən başlayır. Dünyanın bir çox ölkələrində məktəb yaşına çatmış qız uşaqlarının təhsil almasına icazə verilmir. Hesablamalara görə, 15 milyondan çox məktəb yaşına çatmış qız ömründə bir dəfə də olsun məktəbə ayaq basmayıb. Onların 9 milyonu Afrika ölkələrinin payına düşür. İmkansızlıq, erkən nigahlar və s. səbəblərdən bu rəqəmlər ildən-ilə artıb.
Lakin son 10 il ərzində ciddi irəliləyişlər müşahidə olunub. Artıq 2014-cü ildə orta məktəbi bitirənlərin 100-ü oğlan 94-ü isə qız uşaqları olub. 2016-cı ildə bu göstəricilər bir az da artıb.
Lakin 65 yaşından yuxarı qadınlar arasında hər 10 nəfərdən 3-ü hələ də adını belə yaza bilmir. Sosial şəbəkədə paylaşılan bu məlumatlar geniş müzakirələrə səbəb olub. Xüsusilə də Türkiyədə qadınların hüquqlarının müdafiəsi istiqamətində fəaliyyət göstərən bir çox QHT-lər bu nəticələr qarşısında dəhşətə gəldiklərini qeyd ediblər.